Verið velkomin á heimasíðuna mína...
...ég er lítil krúsímús og fæddist þann 27. apríl 2010 klukkan 09:06.
Ég var 2940gr að þyngd við fæðingu eða tæpar 12 merkur og 50cm. Ég fæddist eftir fyrirfram ákveðinn keisaraskurð eins og stóru systur mínar. Mamma mín heitir Rósa og pabbi minn Jón Fannar. Við búum í Innri-Njarðvík í Reykjanesbæ.
Þann 12. júní var ég síðan skírð og fékk nafnið Sóley Von. Skírnin fór fram í stofunni heima og komu fullt af ættingjum og vinum og samglöddust með okkur á þessum degi.
Stóru systur mínar, þær Eliza Lív og Anita Ýrr, eiga líka heimasíðu hérna og það má skoða þær með því að smella hér að neðan.
http://elizaliv.barnaland.is
http://anitayrr.barnaland.is
Stjörnumerkið mitt:
Barn í nautsmerkinu er í góðu jafnvægi og einbeitt og tekur sér tíma til að gera hlutina og flýtir sér hægt. Þetta er barn sem skilur og metur ferlið sem slíkt. Barn í nautsmerkinu hefur ánægju af því að hugsa um hluti og sýnir staðfestu í nálgun þess. Raunsæi og að hlutirnir séu raunhæfir er stór hluti af þeirra ákvarðanatöku. Þegar þú útskýrir hluti fyrir barni í nautsmerki þá er alls ekki nóg að segja “þetta er bara svona”. Þetta barn hefur þörf fyrir að skilja af hverju hlutirnir eru eins og þeir eru og hver lógíkin er á bak við reglurnar sem því eru settar, annars getur það ekki fylgt reglunum. Þetta hljómar sem mikil vinna en leiðir af sér vel aðlagað barn í góðu jafnvægi. Annað sem ber að hafa í huga, er þörf barns í þessu merki fyrir snertingu og ástúð. Þú getur aldrei knúsað þetta barn of mikið. Þetta barn er einnig mikið fyrir fjölskyldulíf og er góð húshjálp. Oft er þetta litla aðsoðarmanneskjan þín og vill gera allt eins og mamma og pabbi. Barn í nautsmerkinu er sælkeri og þú getur búist við að það eyði miklum tíma í eldhúsinu við að elda og borða. Nautið er þrjóskt að eðlisfari og mjög erfitt er að fá það til að skipta um skoðun ef það hefur fengið einhverja flugu í kollinn. Annað ríkt einkenni er þolinmæði og þrautseigja sem gerir barn í nautsmerki að góðum námsmanni og sigurvegara.
